The Cult

The Cult ye una banda inglesa de hard rock. A mediaos de los años 80 del sieglu XX, The Cult foi una de les principales bandes que ficieron resurxir'l Hard rock n'Inglaterra; una banda de rock con d'algunos toques psicodélicos, influyenciaos en principiu pol misticismu de The Doors y l'estilu de les guitarres de hard rock de Led Zeppelin y AC/DC. La banda entamó con un estilu rock góticu post-punk, y foi evolucionando facia'l Hard rock a partir del discu "Electric" (1987). The Cult tuvo varios ésitos en Gran Bretaña a mediaos de los 80, comu "She Sells Sanctuary”, "Rain", y "Revolution" y a finales de los ochenta, the Cult entró nel mercau americanu de heavy metal col canciu"Love Removal Machine". Anque'l so álbum de 1989 Sonic Temple foi'l más esitosu comercialmente, la banda decaía detrás de l'escenariu debio a crecientes problemes y abusos d'alcohol. En 1995, the Cult dixebróse.